CURSU 2006-2007

CURSU 2006/07

El cursu yá entamó 'l 12 de setiembre, va facer un mes. Tol mundu ta con munches ganes de trabayar esti añu, espero, y pa que 'l primer trimestre nun se faiga mui llargu equí tenemos les fiestes de La Pontona que ye onde ta ubicáu 'l nuesu centru. Pasáilo mui bien y alcordavos de volver el llunes 16 al llabor.

Nesti fin de selmana cola fiesta del Pilar, la nuesa felicitación a toles Pilares, Pilis y Maripilis de La Pola, de tol conceyu y aledaños.

ANTROXU

Pa finales de febreru taremos yá a puntu pal antroxu: bruxes, diaños, princeses, ñuberos, xanes, cuélebres, pirates, y tolo que queráis pa intentar facer una mázcara peramañosa y salir a la cai ensin que naide nos reconoza. El 27 y 28 nun hai clase porque tenemos que salir disfrazaos y pasalo perbién nesti antroxu de 2006 que como toos va ser difícil d' escaecer.

Pero, como tamos n' Asturies y sobre too en Pola de Llaviana, pue tar tovía bien friaco, facéi como esti curuxón, un bon disfraz pa nun pasar frío nin cola mayor "xelá" del añu.

Entamái pronto, nun seya que dempués nun vos dea tiempu a tenelo too preparao y nun sepáis que facer pa que la vuesa mázcara seya la más orixinal de toes.

LA SELMANA BLANCA

LA SELMANA BLANCA: Un piñu d' escolinos/es del centru colen esti sábadu pa Granada a prauticar un poco l' esquí, esperamos que lo pasen perbién, que deprendan muncho d'esti deporte tan guapu y que vengan mui morenos, pero non quemaos. Que disfruten por tolos/es que quedamos equí trabayando y curiando pa que l'institutu siga en pie.

LA BANDERA D'ASTURIES

ESTA YE LA BANDERA D'ASTURIES: Fecha famosa nel mundu enteru pol nuesu campeón de fórmula-1, Fernando Alonso, pa que naide la escaeza, equí la tenemos pa orgullu de toos y toes.

Esperemos qu'esti añu vuelva a renovar el títulu pa que temos toos y toes percontentos y percontentes.

AÑU NUEVU...

PA TOLOS ESCOLINOS DE LLINGUA ASTURIANA

Añu nuevu, vida nueva: toos y toes con ganes d'estudiar y sacar el cursu darréu. Yá sabéis que nesti mes hai que presentar el trabayu del llibru y que los que vaguearon nel primer trimestre tienen qu' estudiar un poco más pa recuperar lo anterior.

Supongo que los Reis Magos traxeron munches coses y ente elles les ganes d'estudiar que-yos pidí yo pa toos y toes.

Yá sabéis lo qu'hai que facer pa tener unes bones vacaciones en xunu

POSTALES Y TRABAYOS NAVIDENOS

El fallu del concursu yá se dio asina como los premios correspondientes. Enantes de colar de vacaciones vamos a colgar les semeyes de les postales que participaron nel concursu y dalgunos de los árboles que fixeron los escolinos nes asignatures de Llingua Asturiana Francés y Tecnoloxía (los árboles en Tecnoloxía y les postales nes tres).
Tamién se dieron los premios del concursu gastronómicu, too taba mui bono, ye una pena que sólo sean tres premios.
Gracies a toos/es por participar
Pa ver les semeyes, pinchái equí

ESCOLINOS DE 1º DE LA ESO

Como lo prometío ye deuda, equí tán los escolinos de 1º de la ESO, trabayando colos ordenadores nel aula d'informática; tuvieron viendo'l blog y faciendo exercicios del cursín de deprendi asturianu. Casi toos tuvieron aplicaos menos cuando posaron pa les semeyes, pa veles pinchái equí

LES VACACIONES DE NAVIDÁ

Mañana, 21 d'avientu ye l'últimu día de clase, tendremos una chicolada y el fallu del concursu de postales y gastronómicu. Esti añu nel concursu de postales amás de la participación de los escolinos de Francés y Llingua Asturiana tenemos la del Departamentu de Tecnoloxía. Yá sabéis que tolos participantes tenéis un detallín y llueu habrá tres premios por especialidá.

Bono, alcordáivos qu'hasta'l 9 de xineru del 2006 nun entamen les clases.

BONES VACACIONES A TOLOS ESCOLINOS, MAS, PAS... Y QUE VOS TRAIGAN MUNCHES COSES LOS REIS MAGOS ( sobre too, ganes d'estudiar)

ESCOLINOS DE 3º DE LA ESO

Yá puestos a espublizar semeyes vamos a ponelos a toos/es. Equí tenemos al cursu de 3º C de l'asignatura de Llingua Asturianu. Unos decidieron posar na clase, otros camentaron que yera meyor que los vieran trabayando col ordenador, que queda mui bien pa si los pas deciden echar una güeyada, y dalgún/a nun quisieron salir na semeya y sólo enseñen el costazu. Yá sabéis pa vevos pinchamos nesti puntu.

ESCOLINOS DE 4º DE LA ESO

Esti ye'l grupo de veteranos en Llingua Asturianu, cuarto de la ESO, son sólo un piñu d'ocho onde tenemos dos pareyes d'hermanos. Y pa rizar más el rizu nestes dos pareyes, hai un par de ximielgos. Tienen vocación de modelos y por eso tán posando pa les semeyes. A ver si los/ vos veis guapos, pa poder opinar: pincha equí

NUN LLUGAR LLAMÁU GUERRA

El llibru pa 3º de la ESO ye "Nun llugar llamáu guerra" de Jordi Serra i Fabra, como l'escritor ye foriatu lo qu'atopamos sobre él ta en castellán, podéis pinchar equí pa lleer una bona reflexón y un bon resume sol llibru, pero nun ye pa que lo copiéis sinón pa que lleáis y vos puea servir como exemplu pa entamar el trabayu. Amás recordái que'l trabayu tien que tar n'asturiano, por supuesto.

El mesmu conseyu dau a los otros cursos: bona caligrafía, ortografía y presentación. Y, los personaxes tienen que tar perbién comentaos, que la hestoria merezlo.

DÍES DE MUNCHO

El llibru que tienen que lleer los alumnos de 4º de la ESO ye la obra d'Antón García: "Díes de muncho", como les indicaciones pal trabayu yá tán daes na clase, pinchando equí tendrán unes notuques que-yos puen servir pa la reseña biográfica del autor. Pa los otros apartaos yá lo saben: trabayu, llimpieza, orden y esmeru tanto na ortografía como na presentación

LES AVENTURES DE XICU Y VENTOLIN

El llibru de llectura escoyíu pa los escolino de 1º de la ESO ye'l de "Les aventures de Xicu y Ventolín", y pa dempués de la llectura podéis dir faciendo estes actividaes perprestoses sobre'l llibru y l'autor, pa entamar con elles pincha equí

ESCOLINOS DE 2º DE LA ESO

Los alumnos de 2º de la ESO-B tuvieron preparando les postales pa participar nel concursu d'esti añu, y, si pinches equí, verás lo satisfechos que tan del so trabayu.

FONTENEBROSA: EL REINU DE LOS SILENTES

Los alumnos de 2º de la ESO tienen que lleer esti llibrín perprestosu nestes vacaciones. Yá sabéis qu'hai que presentar un trabayu del mesmu siguiendo les indicaciones daes na clase. Pinchando equí toparéis datos sol autor del llibru y daqué más que vos pue interesar.

CONCURSU DE POSTALES NAVIDEÑES

Esta selmana tamos preparando'l concursu de postales navideñes coles que fadremos una esposición nel institutu. El fallu del xuráu será'l miércoles de la selmana siguiente coincidendo col concursu gastronómicu y la entrega de notes.
¡ Ánimu a tolos escolines pa facer una postal percuriosa y tamién preparar dalgo que llamber!

AGORA, OTRA DEL INSTITUTU

Y esta semeya ye la del institutu nel 2005, como veis un poco remozáu

L' INSTITUTU

Esti ye 'l mio institutu fai... unos años

SEGUIMOS DE FERIA

La feria del llibru foi tou un ésitu: de concurrencia de los alumnos/es nel recréu pa mercar llibros y tamién de venta de los mesmos. Por esta razón los organizadores decidieron caltener la feria unos díes más, hasta qu' acabe payares. Asina que los despitaos/es tenéis tovía una última oportunidá

LA FERIA 'L LLIBRU

Esta selmana, tamos de feria, la feria'l llibru:¡ queremos animar a toos y toes a la llectura!
Y amás, gracies a la collaboración de delles instituciones y sobre too de xente animoso va a salinos un poquitín más barato.
¡Ánimu y a escoyer el que más vos preste!

PRIMER MENSAXE

Güei 21 de payares entamamos esti blog del IES de Llaviana, recibii la más candial bienvenida a tolos que vos averéis a él.
la editorial